Амжилтад хүрэх арга замыг хэцүү бэрх, саад тотгор ихтэй, олоход хялбар биш гэдэг. Тэгвэл үнэн хэрэгтэй амжилтад хүрэх замыг олоход хялбар байдаг.

Амжилтын томъёог тооцоолох

Амжилтын томъёо нь хангалттай хялбар. Түүнийг амьдрал ахуйдаа мөрдөж чадвал 25-30 жилийн дараа санхүүгийн өндөр чадамжтай, мэргэжлийн өндөр түвшинд хүрсэн, өндөр түвшний менежер болж чадна.

Үнэндээ бол амжилтын томъёог эцэг эхчүүд сайн мэддэг юм шүү.


Юу гэвэл хүүхэд бүр сургуульд байхаасаа л өөрийнхөө амьдралд амжилтын томъёог мөрдөөд эхэлчихсэн байдаг. Сургуульд элсэн орохоос эхлээд төгсөх хүртлээ хүүхэд хамгийн ихдээ бүх хичээлдээ, багаар бодоход аль нэг хичээлдээ /түүх, математик.../ сайн сурч амжилт гаргадаг.

Дунд сургуулиа төгсөөд эцэг эхийнхээ заавраар эсвэл өөрийн сонирхлоор алин боловч дээд сургуульд элсэж, дахиад л бүх чиглэлийн хичээлдээ эсвэл ядаж аль нэгийг нь сурч мэргэждэг. Амжилтад хүрэх оновчтой хувилбар болох сурахын хажуугаар залуу хүн туршлага хуримтлуулахад тустай ажил эрхэлж эхэлнэ.

Амжилтад хүрэх эрмэлзэл бүхий залуу хүн ямар ч тохиолдолд зуныг юу ч хийлгүй хоосон өнгөрөөдөггүй. Тиймээс оюутнууд аль болох нэр хүнд бүхий компани эсвэл элчин сайдын яаманд цалингүй ажиллаж, бизнесийн цагаан толгойноос суралцаж эхэлнэ. Зарим боломжтой нэг нь гадаадад очиж ажил хийнгээ хэлний дамжаанд сурч, сертификат авахаар шалгалт өгнө.

Харин их сургуулийн төгсөх дамжаандаа бол ажилд орчихоор аятайхан нэр хүндтэй компанид дадлага хийнэ. Санаснаар бүтэхгүй бол жил бүр шинээр хэвлэгдэн гардаг бизнес лавлахтай уйгагүй "нөхөрлөнө".

Ингээд залуу хүн хичээл зүтгэл гаргасний дүнд жирийн нэг албан хаагчаас албан тушаал ахиж удирдах ажил эрхлэх эсвэл хувийн бизнесээ эхлүүлдэг. Үүний тулд хэт ухаантан байх ч шаарлагагүй, зөвхөн “бизнесийн цагаан толгойг” алхам алхамаар сурч өөрийн болгох л хэрэгтэй. Энэ л амжилтын нууц!

Хослуулах боломжгүй!

Онолоор бол амжилтад хүрэхийн тулд ажил, амралтыг хослуулах хэрэгтэй гэдэг. Харин амьдрал дээр энэ нь бараг л боломжгүй зүйл. Амжилтын төлөө уйгагүй зүтгэдэг хүнд амрах цаг бараг л гардаггүй юм. Тэгээд ч тэд дээш нэг шат ахих уу, эсвэл найз нартайгаа чалчин цагийг зугаатай өнгөрүүлэх үү гэсэн сонголттой өдөр тутам л тулгардаг юм.

Харин ямар ч хүний биеийн хүч боломж хязгаартай. Бас чөлөөт цаг ч хязгаартай. Тиймээс та, хоёр сонголттой байнга тулгарч байх болно. Юу гэвэл, хоёр хоног найзуудтайгаа зугаалах уу эсвэл ажилд тань шаардлагатай байгаа... хөгжмийн фестивальд оролцоход хэрэг болох... нэр хүнд бүхий сонинд хэвлүүлэх өгүүлэл бичихэд хэрэгтэй герман хэлээ барих уу...

 Эрх чөлөөг золиослох

Амжилт гэдэг бол ямар ч таагүй цаг агаарт тэсээд байж л байдаг туупуйн байшинтай адил зүйл. Гэхдээ, түүний дотор салхи хэзээ ч зугаалдаггүй. Амжилт энэ бол саад тотгор бүхий асуудлыг шийдэхийг шаардсан, тодорхой хүрээнд таныг байнга барьж байдаг чанга дүрэм бүхий амьдралын хэв маяг юм.

Тухайлбал, Та Чехэд очиж эртнээс үзэхийг хүсч байсан үзэсгэлэнт цайзаар зугаалахаар тайлан гаргах ажлаа хаяад явчихгүй байх. Эсвэл Канадад жилийн хугацаанд очиж амьдрахын тулд ажлаа гэнэт орхиод явахгүй байх хэрэгтэй.

Тэр байтугай та өөр хот руу явахаас ч татгалзах хэрэгтэй. Шийдвэр гаргах хариуцлагыг өөртөө авч, таны бодол, санал, зөвлөгөөг хүлээж байдаг ажилдаа анхаарлаа төвлөрүүлж, хэдэн жилээр ч гэсэн амралт авалгүй ажиллах шаардлага ч тулгардаг.

Танд золиослох зүйл байх ёстой. Тиймээс эрсдэл хүлээх, хөнгөн сэтгэлтэй явахаас аль болох зайлсхий. Харин яваандаа та алдах юмтай болж эрсдэлтэй алхам хийх сонирхолгүй болно. Зарим улс төрийн шийдвэр, үзэл бодлоосоо салах шаардлага ч гарна. Та хувийн өмчтэй болсноор зөвхөн түүнийхээ төлөө санаа тавьж, хувийн эрх ашгийн сонирхол чинь давамгайлах болно.


Амжилтад хүрсэн хүний “өвчин” гэж хүртэл бий. Тухайлбал, “Онц сурлагатан” хүмүүс алдаа гаргахыг тэвчдэггүй, амжилтгүй байдал болгонд хэт эмзэг ханддаг. Тиймээс өөрийн золгүй байдалд бусдыг буруутган, бэрхшээлийг хэт хүндээр хүлээн авч давж туулдаг. Хэт өндөр амжилт тухайн хүнийг “газардуулдаг”. Амьдралын гэгээн мөрөөдлөөс нь улам холдуулдаг талтай. Амжилтад хүрсэн хүн гэдэг нь юуны өмнө ажил хэрэгч, эрэл хайгуулч, түргэн сэтгэж боддог хүнийг хэлдэг юм шүү.

Амжилтын үнэ цэнэ

Эрэгтэй хүн амжилт гаргаж нийгэмд өндөр байр суурь эзлээд ирэхэд тэдэн рүү тэмүүлэх эмэгтэйчүүдийн тоо эрс нэмэгддэг. Олон эмэгтэйчүүдийн дунд орсон эрчүүдийн толгой эргэж, ухаан самууран маш олон алдааг гаргадаг.

Нэгд. Хөрөнгө чинээтэй эрчүүд алтны эрэлчдийн бай болж хувирдаг.

Хоёрт. Найдвартай ар тал болохоор эмэгтэйг хайсаар эцэстээ өөрөө ар гэрийн бүх л асуудлыг шийддэг болдог.

Гуравт. Өөрийгөө ажилдаа бүрэн зориулснаар гэртээ тун бага хугацааг өнгөрүүлдэг. Үүнээс болж хүүхдэдээ тавих хайр халамж суларч, эхнэртэйгээ таарамжгүй болж гэрээсээ улам бүр хөндийрдөг .

Харин эмэгтэй хүнд амжилт нь бүр ч илүү хүндрэл бэрхшээлийг авчирдаг. Хэрвээ та баян, хүчирхэг, амжилтаар бялхсан эмэгтэй бол хань нөхрөө олох тань амаргүй байх болно.


Нэгд. Та амьдралын ханиа карьерын өндөрлөгт хүрсэн эрчүүдийн дундаас хайх хэрэгтэй болох бөгөөд харамсалтай нь ийм эрчүүд тун цөөн байдаг.


Хоёрт. Ийм эмэгтэйчүүдийн ихэнх нь найдвартай ар талтай байхын тулд өөрийн карьерийг эхлэхээс өмнө гэрлэсэн байдаг. Энэ тохиолдолд карьерын өндөрлөгт хүрсэн ч та өөр хэн нэгэнтэй гэрлэхийг тэр бүр хүсдэггүй.


Гуравт. Маш ховор тохиолдолд амжилтад хүрсэн эрчүүд карьер хөөсөн эмэгтэйтэй гэрлэдэг.


Дөрөвт. Эрчүүдээр хүрээлүүлж, нийгмийн дээд давхаргад сонирхолтой, санхүүгийн ямар ч хамааралгүй амьдарч буй тохиолдолд танд нөхөр ямар хэрэгтэй юм бэ гэсэн асуулт тулгарна. Хөгшрөхдөө, амьдралын эцсийн хоромд ганцаардахгүйн тулд уу? Энэ асуудалд хэн ч таныг даатгаж хамгаалж чадахгүй. Нөхөртэй байсан ч …

Хэрэв та гэр бүл, хүүхэдтэй бол ажил хүүүхдийн хооронд байнга гүйх болох бөгөөд хүүхдэдээ тавих анхаарал халамжийн хувьд ямагт өөрийгөө буруутай мэтээр мэдрэх болно.

Хэрэв та бизнестээ амжилт гаргахыг хүсч буй л бол залуу насаа “ар талаа” бэхжүүлэхэд зарцуулах уу / гадаад хэл сурах, карьер хөөх, ажлын туршлага хуримтлуулах/ эсвэл найз нөхөдтэйгээ зугаалж, цэнгэж өнгөрүүлэх үү гэсэн хоёр сонголттой нүүр тулах болно. Гэхдээ аль ч тохиолдолд “сэтгэлийн зовиуртай” үлдэх нь үнэн. Карьер хөөсөн нэг нь залуу насандаа “зугаалж” чадаагүйдээ харамсах бол харин “ эгэл амтьдралтан” нэг нь алтан боломжуудыг алдсандаа харамссаар суудаг юм.

Эх үүсвэр: Хичээл.мн